Hoxha takon Presidentin e Senatit të Rumanisë: Bashkëpunim për BE

Ministri për Evropën dhe Punët e Jashtme Ferit Hoxha takoi pasditen e sotme Presidentin e Senatit të Rumanisë Mircea Abrudean gjatë një vizite pune në Bukuresht. Takimi u zhvillua në kontekstin e rikonfirmimit të miqësisë dhe partneritetit strategjik mes dy vendeve, si dhe për të diskutuar rrugëtimin e Shqipërisë drejt anëtarësimit në Bashkimin Evropian.

Hoxha dhe Abrudean vlerësuan rolin e bashkëpunimit ndërparlamentar dhe diplomacisë parlamentare në afrimin e dy vendeve. Në fokus të bisedimeve ishte edhe mbështetja e Rumanisë për Shqipërinë dhe përvoja e saj si vend anëtar i BE-së. “Diskutuam gjithashtu për forcimin e bashkëpunimit institucional dhe shkëmbimin e praktikave më të mira në konsolidimin e institucioneve demokratike dhe avancimin e së ardhmes sonë të përbashkët evropiane”, shkroi Hoxha në rrjetin social X pas takimit.