Si e sheh Hoxha konfliktin PDK-VV dhe çfarë pritet në zgjedhje?
Analisti Ylli Hoxha parashikon përplasje të ashpra mes dy partive kryesore, por edhe dalje më të ulët votuese se në dhjetor.
Redaksia ZHURMA · · Përditësuar · 1 min lexim
PRISHTINË — Analisti politik Ylli Hoxha vlerëson se fushata e mbetur deri më 7 qershor do të karakterizohet nga përplasje mes PDK-së dhe LVV-së, të cilat e shfrytëzojnë "konfliktin" si "bashkëinteres politik" për mobilizimin e elektoratit.
Në emisionin "Debat Plus" në Dukagjin, Hoxha tha se ballafaqimi PDK-VV "do t'ju duhet si një lloj sulmi i pakompromis", por e theksoi se "një konflikt mes PDK-së dhe VV-së do t'i mobilizojë të dy taborret më lehtë".
Megjithatë, Hoxha shprehu skepticizëm për pjesëmarrjen: "Nuk besoj që do të jetë një sukses i plotë i partive politike për të mobilizuar elektoratin". Ai parashikon "dalje më të ulët sesa në dhjetor ndjeshëm", duke shtuar se "do të ketë pak rebelim dhe pak më shumë mospërfillje të qytetarëve". Sipas tij, "7 qershori është kohë ideale për vikend në Durrës dhe Shëngjin".
Burim: Telegrafi
— Redaksia ZHURMA
