Eslin Kurti vazhdon përgatitjet për Junior Eurovision 2026

Përfaqësuesja e Shqipërisë në Junior Eurovision 2026, Eslin Kurti, po vijon përgatitjet intensive me ekipin artistik për skenën evropiane, ku do të prezantohet me këngën “Kërce me mua”. Ajo siguroi këtë përfaqësim pasi u shpall fituese e kategorisë Junior në Festivalin e 64-t Kombëtar për Fëmijë. Çdo provë shërben për të përsosur performancën vokale dhe prezencën skenike para momentit të ngjitjes në kompeticionin ndërkombëtar.

Këtë vit, Junior Eurovision 2026 do të mbahet më 24 tetor në Maltë. Spektakli do të transmetohet drejtpërdrejt për publikun shqiptar përmes RTSH 1, RTSH Muzikë dhe Radio Tirana 1, duke filluar nga ora 21:00. Ndërkohë, platforma zyrtare e votimit JESC.TV do të hapet më 23 tetor në orën 23:59, duke ofruar mundësinë e votimit pa pagesë për shikuesit në mbarë botën, të cilët sipas rregullave mund të mbështesin edhe përfaqësuesin e vendit të vet.