Pse mbetet e paplotë drejtësia për masakrën e Stagovës pas 27 vitesh?
U.D. Presidentja përkujtoi 13 civilët e vrarë më 21 maj 1999, duke kërkuar përgjegjësi për autorët e masakrës.
PRISHTINË — Ushtruesja e Detyrës së Presidentes, Albulena Haxhiu, përkujtoi sot viktimat e Masakrës së Stagovës së Kaçanikut në 27-vjetorin e vrasjes së tyre nga forcat serbe. Më 21 maj 1999, në Stagovë u vranë 13 civilë shqiptarë, përfshirë fëmijën 7-vjeçar Fitim Gudaqi dhe dëshmorin Ekrem Gudaqi.
Haxhiu e cilësoi këtë ditë si "një nga dëshmitë më të rënda të politikës së shfarosjes, dëbimit dhe djegies që Serbia ushtroi mbi popullsinë civile në Kosovë". Ajo njoftoi se masakra u përfshi në aktakuzat dhe hetimet e Tribunalit të Hagës për krimet e kryera nga forcat e RFJ-së dhe Serbisë.
"Megjithatë drejtësia për Stagovën mbetet e paplotë, sepse autorët e drejtpërdrejtë dhe zinxhiri i plotë i përgjegjës nuk morën dënimin që kërkon pesha e krimit," theksoi Haxhiu. Në këtë ditë ranë martirë: Hanife Jaha, Selvije Krivanjeva, Baki Bela, Hanife Gudaqi, Ramush Jaha, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi dhe Brahim Dashi.
Burim: Zëri
— Redaksia ZHURMA