Hashani: Incidenti në Demiraj dyshohet brenda familjes, ndalohet i dyshuari

Policia e Kosovës ka dalë me një raport shtesë pas ngjarjes tragjike të regjistruar në një shtëpi në fshatin Demiraj të komunës së Gjilanit, ku u gjetën pa shenja jete një person i lindur më 1999 dhe një foshnjë. Ismet Hashani ka bërë me dije se nga hetimet e para dyshohet për një incident brenda familjes, ndërsa në cilësinë e të dyshuarit është arrestuar babai i viktimës dhe është ndaluar për 48 orë me vendim të prokurorit. Përfaqësuesi i policisë ka shtuar se po ndërmerren veprime operative dhe hetimore për të sqaruar rrethanat e rastit të cilësuar si “Vrasje e Rëndë”. Sipas njoftimit zyrtar, ngjarja u raportua kur njësitet policore, prokurori dhe ekipi mjekësor dolën në vendin e ngjarjes dhe mjeku kujdestar konfirmoi vdekjen e dy personave, trupat e të cilëve janë dërguar për obduksion në Institutin e Mjekësisë Ligjore në Prishtinë.