Haradinaj: Votoni Koalicionin Shqiptar në zgjedhjet e 25 tetorit

Ramush Haradinaj u ka bërë thirrje banorëve në Preshevë, Medvegjë, Bujanoc dhe vendbanimet e tjera që të dalin masivisht në zgjedhjet parlamentare të 25 tetorit. Kjo thirrje vjen pas bashkimit të partive shqiptare të Luginës në një listë të përbashkët për këto zgjedhje në Serbi.

Duke përmendur diskriminimin dhe padrejtësitë nga shteti serb, Haradinaj ka theksuar se është i nevojshëm një përfaqësim sa më i madh në Parlament për të mbrojtur interesat e shqiptarëve dhe për të njoftuar opinionin rreth shkeljeve të të drejtave. Ai ka kërkuar mbështetje për «Koalicionin Shqiptar», me numër 17.