Pse la Haradinaj uniformën e UÇK-së për politikë më 2 maj 2000?
Kreu i AAK-së rrëfen vendimin për të lënë uniformën dhe themelimin e partisë më 2 maj 2000.
PRISHTINË — Kryetari i Aleancës për Ardhmërinë e Kosovës, Ramush Haradinaj, në intervistën e tij të fundit televizive si kreu i kësaj partie, ka rrëfyer momentet e kalimit nga jeta ushtarake në atë politike.
Në emisionin "Debat Plus", Haradinaj ka kujtuar periudhën pas luftës, duke thënë se vendimi për të lënë uniformën nuk ishte i lehtë. "Ka qenë një moment jo shumë i lehtë me e zhvesh uniformën, isha mësuar me uniformë. Uniforma dhe unë ishim bërë një", ka thënë ai, duke shtuar se kjo vinte pas një periudhe të gjatë në luftë dhe pas punës me Trupat Mbrojtëse të Kosovës.
Haradinaj ka thënë se në vend që të bashkohej me ndonjë forcë politike ekzistuese, mori guximin pa përvojë politike paraprake të krijonte një koncept të ri politik. "Më 2 maj të vitit 2000 u themelua Aleanca", ka përfunduar ai.
Burim: Zëri
— Redaksia ZHURMA