Pse nuk konsiderohet Ramush Haradinaj për president?

PRISHTINË — Deputeti i Aleancës, Besnik Tahiri ka deklaruar se ideja që Ramush Haradinaj të jetë kandidat për president nuk është më opsion, pasi nuk ka gjetur mirëkuptim dhe mbështetje politike. Ai tha se ky ka qenë një qëndrim i shprehur më herët, por se zhvillimet e mëvonshme kanë bërë që kjo ide të mos konsiderohet më si opsion.

Sipas Tahirit, qëndrimi publik i Haradinajt ka qenë i qartë, duke theksuar se ai nuk e ka shpallur veten kandidat për president, por vetëm ka shprehur gatishmëri, e cila sipas tij, nuk ekziston. “Ky ka qenë një pozicion para propozimit të gjashtë pikave. Siç shihet, nuk ka gjetur mirëkuptim dhe tashmë nuk është opsion. Jo, nuk është opsion. S’mundet me ndodhë, nuk është më opsion ideja”, tha ai në Rubikon të Klan Kosova.

Burim: Gazeta Metro, https://gazetametro.net/tahiri-thote-ska-gatishmeri-per-haradinajn-president-smundet-me-ndodhe-nuk-eshte-me-opsion-ideja/ — Redaksia ZHURMA