Hapat ndaj Speciales s’duhet të jenë të ngutshëm, thotë Kusari-Lila
Ministrja e Industrisë ka folur për nismën e deputetëve të PDK-së rreth Gjykatës Speciale.
Redaksia ZHURMA · · Përditësuar · 1 min lexim
Lidhur me raportimet për mbledhjen e nënshkrimeve nga disa deputetë të Partisë Demokratike të Kosovës për një seancë rreth zhbërjes së Dhomave të Specializuara në Hagë, është deklaruar ministrja e Industrisë, Ndërmarrësisë dhe Tregtisë, Mimoza Kusari-Lila.
Ajo është shprehur se vendimi i gjykatës ka shkaktuar tronditje dhe rëndesë të madhe, ndërsa ka shtuar se veprimet e ardhshme nuk duhet të jenë as të nxituara dhe as emocionale. Sipas saj, ekziston një mospërputhje në veprimet e PDK-së, pasi kjo parti ka kontestuar në Gjykatën Kushtetuese konstituimin e Kuvendit dhe formimin e Qeverisë.
Kusari-Lila ka thënë se dënimi është i shkallës së parë dhe se ekziston mekanizmi i apelit, për të cilin kërkoi mobilizim të menjëhershëm, duke theksuar rëndësinë e bashkimit dhe koordinimit për rrugën drejt lirimit të katër krerëve të Ushtrisë Çlirimtare të Kosovës.
