"Hani i Qerosit" në Kuçovë kthehet në destinacion agroturizmi me fonde IPARD
Kryeministri Edi Rama ndau sot pamje nga agroturizmi, i mbështetur nga Programi IPARD, që u ofron vizitorëve kalërim dhe gatim tradicional.
KUÇOVË — Agroturizmi "Hani i Qerosit", në Kuçovë, Berat, po kthehet në një destinacion tërheqës për turizmin rural. Kryeministri Edi Rama ndau sot pamje nga objekti, duke thënë se ai ofron një përvojë të lidhur me natyrën, traditat dhe jetën në fermë.
Në një shkrim shoqërues, Rama shkroi: "Çdo vizitor ka mundësinë të bëhet pjesë e jetës në fermë përmes aktiviteteve të ndryshme, si kalërimi, ushqyerja e kafshëve dhe përgatitja e recetave tradicionale me produkte të freskëta të zonës." Ai e përshkroi si "një përvojë e veçantë që të afron me natyrën, traditat dhe mikpritjen shqiptare."
Investimi në agroturizmin "Hani i Qerosit", sipas Ramës, u realizua me mbështetjen e Programit IPARD. Agroturizmet, thekson ATSH, po shndërrohen në qendra të rëndësishme të zhvillimit ekonomik e social në vend, duke kontribuar në rritjen e punësimit dhe forcimin e ekonomisë rurale.
Burim: ATSH
— Redaksia ZHURMA