Hamiti kritikon heshtjen e VV-së ndaj shkeljes së Kushtetutës

Zyrtari i LDK-së, Muhamet Hamiti, ka bërë me dije se ende nuk ka dëgjuar ndonjë zyrtar të VV-së të jetë shprehur kundër shkeljes së Kushtetutës së Kosovës. Ai ka vlerësuar se për sa kohë shkeljen e aktit më të lartë politik dhe juridik e bën Albin Kurti, ata do të heshtin.

Në profilin e tij në Facebook, Hamiti ka rikujtuar epitetet që Kurti opozitar kishte për ata që e shkelnin Kushtetutën e Kosovës. “Mbasi s’ka sanksione institucionale për shkelësit e Kushtetutës së Kosovës, këta që lideri i VV-së Albin Kurti kur ishte në opozitë i quante ‘superkriminelë’, ka gjykatë të opinionit publik”, ka shkruar ai ndër të tjera, duke shtuar se qytetarët që nuk pajtohen me shkeljet mund t'i sanksionojnë me votë.

Burimet: Ekonomia Online; Lajmi.net; Gazeta Metro (klaster 3 outlets).