Haliti: Dhashë dëshmi për atentatet e UDB-së ndaj Hadrit, Shatrit dhe mua
Ish-deputeti Xhavit Haliti ka dëshmuar lidhur me atentatet e organizuara nga UDB-ja ndaj Enver Hadrit, Xhafer Shatrit dhe atij vetë.
Redaksia ZHURMA · · 1 min lexim
Ish-deputeti i Kuvendit të Kosovës, Xhavit Haliti, ka dhënë dëshminë e tij lidhur me atentatet e organizuara nga UDB-ja ndaj veprimtarit të çështjes kombëtare Enver Hadri, si dhe ndaj vetë atij dhe Xhafer Shatrit. Siç raportoi Zhurma më 18 nëntor 2026, ai ishte ftuar zyrtarisht nga Prokuroria e Përgjithshme e Brukselit për të dëshmuar në një proces gjyqësor në Belgjikë.
Lajmin rreth dëshmisë e ka bërë të ditur Haliti përmes rrjeteve sociale, duke shtuar se gjatë këtij procesi është shoqëruar nga fëmijët e Enver Hadrit, Teuta dhe Renoari, dy përfaqësues të Ambasadës së Kosovës, si dhe mbesa e tij, Sabihaja.