Gucati: OVL-UÇK mbështet protestat dhe kërkon shfuqizimin e Speciales

Kryetari i Organizatës së Veteranëve të Luftës së UÇK-së, Hysni Gucati, ka deklaruar se organizata do të mbështesë çdo protestë popullore, me kusht që ato të jenë paqësore. Gucati tha se mbështetja do të përfshijë edhe protestën e studentëve, ndërsa mundësia që vetë OVL-UÇK të organizojë protesta do të shqyrtohet në mbledhjen e kryesisë.

Kujtojmë se më parë ishin mbajtur protesta në mbështetje të ish-krerëve të UÇK-së. Gucati bëri të ditur se OVL-UÇK ka dorëzuar pesë pikat e saj dhe kërkoi bashkimin e partive politike për të kërkuar shfuqizimin e plotë të Gjykatës Speciale.