Gjykata shpall Aktgjykim për gjuhë të urrejtjes dhe mosdurim të grupeve fetare
Ilirjan Krasniqi dënohet me gjobë 4200 eurosh dhe dënim burgimi për gjashtë muaj
PRISHTINË — Gjykata Themelore në Prishtinë ka shpallur fajtor Ilirjan Krasniqin për veprën penale "Nxitja e përçarjes dhe mosdurimit". Sipas aktgjykimit, Krasniqi publikoi një koment me përmbajtje fyese, kërcënuese dhe nxitëse të urrejtjes ndaj besimit islam dhe Profetit Muhamed, duke iu përgjigjur një komenti të Fatjon Durakut.
Sipas aktgjykimit të 27 korrikut 2026, Krasniqi u shpall fajtor pasi më 16 prill 2026, në Gjakovë, përmes profilit të tij në Facebook me emrin "ilirjan.krasniqi.9". Gjykata vlerësoi se përmes këtij komenti ai ka nxitur dhe përhapur publikisht urrejtje dhe mosdurim ndërmjet grupeve fetare.
Dënimi me burgim prej gjashtë muajsh është zëvendësuar me gjobë prej 4.200 euro, të cilën i dënuari duhet ta paguajë brenda 15 ditëve nga plotfuqishmëria e aktgjykimit. Gjykata ka vendosur se nëse gjoba nuk paguhet, ajo do të zëvendësohet me burgim, ku një ditë burg do të llogaritet me 20 euro gjobë.
Ilirjan Krasniqi është obliguar të paguajë 100 euro shpenzime të procedurës penale dhe 100 euro në Fondin për Kompensimin e Viktimave të Krimit, gjithashtu brenda afatit prej 15 ditësh. Në aktgjykim thuhet se i dëmtuari, Fatjon Duraku, për realizimin e kërkesës pasurore-juridike është udhëzuar ta ndjekë atë në kontest civil.
Burim: Lajmi.net, zhurma.press — Redaksia ZHURMA