Gjocaj: Profilet false që sulmojnë figura publike financohen me taksa
Veterani i UÇK-së thotë se ekzistojnë "dhjetëra e qindra" llogari falso, të financuara për sulme të organizuara.
PRISHTINË — Veterani i UÇK-së Shpend Gjocaj thotë se profilet false në Facebook që sulmojnë figura publike e gazetarë nuk janë veprim individësh të izoluar, por pjesë e një strukture të organizuar. Gjocaj vetë është sulmuar nga profile të tilla dhe foli për fenomenin në Edicionin Special të Klan Kosovës.
“Këta njerëz nuk janë individ, këta njerëz janë strukturë. Këta njerëz janë me dhjetëra e qindra account falso dhe tek këta njerëz kanë investuar. Këta paguhen me taksat e qytetarëve, për t'i ofenduar ata dhe për t'i ngulfatur ata”, u shpreh Gjocaj.
Ofendimet dhe linçimet ndaj figurave publike e gazetarëve prej profileve falso janë bërë kohët e fundit temë kryesore diskutimi në opinionin publik.
Burim: Klan Kosova
— Redaksia ZHURMA