GJKKO lë në burg katër të dyshuarit për vrasjen e Renis Dobrës

TIRANË — Gjykata e Posaçme la në burg katër të dyshuarit për rrëmbimin dhe ekzekutimin e Renis Dobrës vitin e kaluar në Mat. Të pandehurit që do të qëndrojnë në qeli janë vëllezërit Kristi, Fation dhe Aleksandër Bushgjokaj, së bashku me të dyshuarin tjetër Petrit Hoxha, i njohur si Çakri.

Në fillim të seancës, tre vëllezërit kërkuan ndjesë për incidentin e javës së kaluar, ku dhunuan Hoxhën brenda kafazit të gjykatës duke shkaktuar trazira. Pavarësisht kërkesës për falje, ata insistuan se u provokuan nga bashkëpunëtori i tyre, të cilin e akuzuan për shpifje.

Ngjarja e rëndë që tronditi zonën e Matit ka ndodhur më 8 korrik të vitit 2025. Ndërsa prokuroria po vazhdon hetimet për zbardhjen e plotë të vrasjes makabre, GJKKO konfirmoi se të dyshuarit do të përballen me drejtësinë nën masën e arrestit në burg.

Burim: Almakos
— Redaksia ZHURMA