Gjenerata e parë e shkollës policore me orar të ngjeshur dhe stërvitje me armë pas 18 v…
Drejtori Vllatko Mitkovski bëri të ditur se nxënësit do të zgjohen në 05:20, ndërsa përdorimi i armëve lejohet vetëm pas mbushjes së moshës 18 vjeç.
Redaksia ZHURMA · · 1 min lexim
Në emisionin “Gjurmët”, drejtori i Shkollës së Mesme të Policisë, Vllatko Mitkovski, njoftoi për agjendën e re të gjeneratës së parë të nxënësve. Ata do të fillojnë ditën në orën 05:20, pavarësisht nëse kanë aktivitete fizike atë mëngjes. Pas zgjimit, nxënësit duhet të rreshtohen për ushtrimet fizike, më pas përgatiten për mëngjes dhe kontrollohen për gatishmërinë për mësim, duke vijuar me orarin e zakonshëm dhe detyrat e ditës.
Mitkovski theksoi se nxënësit do të trajnohen me armë vetëm pasi të mbushin 18 vjet, duke mësuar përdorimin e revoles dhe pushkës, si dhe rregullat e sigurisë. Aktualisht, ata mësojnë montimin dhe çmontimin e armëve, ndërsa stërvitja në qitje është planifikuar për vitin e katërt. Në gjeneratën e parë janë pranuar 310 nxënës, megjithëse fillimisht ishin paraparë 200 vende, pasi të gjithë kandidatët që plotësuan kriteret u pranuan.
