Mbetje mortore të dyshuara si njerëzore gjenden në Rahovec
Kockat, që dyshohet se janë të njeriut, u zbuluan nga një qytetar të mërkurën dhe më pas u tërhoqën nga Policia e Kosovës.
RAHOVEC — Mbetje mortore që dyshohet se janë të njeriut janë gjetur të mërkurën në një fushë të hapur në Rahovec. Një qytetar kosovar hasi në to rreth orës 17:42 gjatë ecjes, duke dyshuar se ato u sollën aty nga uji i reshjeve të fundit atmosferike.
Sipas njoftimit zyrtar, njësitë relevante të Policisë së Kosovës kanë dalë në vendngjarje pas marrjes së informatës. Autoritetet i kanë tërhequr mbetjet mortore për ekzaminime të mëtejshme që pritet të zbardhin më shumë detaje.
Policia e Kosovës ka konfirmuar se rasti ka kaluar në hetime. Aktualisht po punohet për të verifikuar nëse këto mbetje i përkasin qenieve njerëzore dhe se si kanë përfunduar në atë fushë të hapur.
Burim: Klan Kosova
— Redaksia ZHURMA