Çfarë do të prodhojë fabrika e parë e municioneve në Kosovë?
Maqedonci: Prodhimi i kalibrave 5.56 mm dhe 7.62 mm është 'hap historik' për sigurinë.
PRISHTINË — Ministri në detyrë i Mbrojtjes, Ejup Maqedonci, dhe kryeministri në detyrë Albin Kurti kanë vizituar sot kantierin në Jahoc të Gjakovës, ku kanë nisur punimet për kompleksin e parë industrial të municioneve në Kosovë.
Kompleksi po ndërtohet në 19 hektarë, pjesë e 140 hektarëve të ndarë nga Qeveria e Kosovës për industrinë e mbrojtjes. Maqedonci tha se fabrika do të prodhojë municione të kalibrit 5.56 mm dhe 7.62 mm, duke e quajtur projektin "hap historik" për fuqizimin e industrisë së mbrojtjes.
Paralelisht me punimet në Kosovë, në Turqi po përfundon prodhimi i makinerisë prodhuese dhe pajisjeve teknike. Personeli i MKE-së do të niset së shpejti për specializim në Turqi, para fillimit të prodhimit 100 për qind vendor.
Burim: Telegrafi, https://telegrafi.com/ne-gjakove-do-te-prodhohen-municione-5-56mm-dhe-7-62mm-maqedonci-hap-historik-per-sigurine/
— Redaksia ZHURMA