GAP-i publikon indeksin e transparencës buxhetore, 10 komuna marrin pikët maksimale
Mesatarja kombëtare e pikeve të transparencës ka rritur nga 61 në 64.5 pikë, ndërsa gjashtë komunat nuk kanë marrë asnjë pikë.
PRISHTINË — Instituti GAP ka publikuar raportin "Indeksi i Transparencës Buxhetore të Komunave 2025", i cili vlerëson transparencën buxhetore në 38 komunat e Kosovës. Sipas raportit, mesatarja e pikeve të transparencës ka arritur 64.5 pikë, rritje nga 61 pikë në vitin paraprak. Në total, 10 komuna kanë marrë pikët maksimale, ndërsa 19 nga 38 kanë arritur të paktën 89.5 pikë.
Në anën tjetër, gjashtë komunat nuk kanë grumbulluar asnjë pikë: Kllokoti, Leposaviqi, Parteshi, Shtërpca, Zubin Potoku dhe Zveçani. Gjatë vitit 2025, komunat kanë publikuar 240 dokumente buxhetore, prej të cilave 133 kanë qenë dokumente të raportimit financiar të buxhetit. Për mënyrën e publikimit, 76 për qind e dokumenteve janë në formate të hapura, kryesisht Excel dhe Word.
Në kuadër të planifikimit të buxhetit për vitin 2026, komunat kanë organizuar 119 dëgjime buxhetore me qytetarët, ku 28 kanë zhvilluar së paku katër dëgjime. Dokumentet më të publikuara kanë qenë Korniza Afatmesme Buxhetore dhe Rregullorja për Ndarjen e Subvencioneve, të cilat janë publikuar nga 30 komuna. 29 komuna kanë publikuar raportet financiare për tremujorin e parë dhe të dytë.
Në krahasim me vitin paraprak, Obiliqi ka shënuar rritjen më të madhe me 60 pikë shtesë, pasuar nga Ferizaj me 52.5 pikë dhe Gjilani me 43.5 pikë.
Burim: Epoka e Re
— Redaksia ZHURMA