Shehaj kërkon që SPAK të marrë të pandehur Ramën dhe Toni Gogun
Agron Shehaj deklaron se përplasja mes Edi Ramës dhe Erion Veliajt duhet të vazhdojë, ndërsa kërkon hetime nga SPAK.
Redaksia ZHURMA · · 1 min lexim
Kreu i Partisë Mundësia, Agron Shehaj, ka komentuar përplasjen e fundit brenda Partisë Socialiste mes kryeministrit Edi Rama dhe kryebashkiakut Erion Veliaj, duke shprehur shpresën se ky konflikt do të vazhdojë që t'i dali boja para qytetarëve. Sipas tij, shqetësimi kryesor mbetet largimi i kryeministrit nga pushteti, ndërsa i ka cilësuar si veprime kriminale kërcënimet e mundshme të tij ndaj Veliajt. Ai shtoi se Prokuroria e Posaçme duhet të marrë të pandehur kryeministrin dhe ministrin e Drejtësisë, Toni Gogu, i cili dyshohet se ka përcjellë mesazhin kërcënues në burgun e Fierit.
Siç raportoi Zhurma më 03.11.2026 · Ndreca paralajmëron kallëzim ndaj Toni Gogut dhe flet për Ramën · Avokati i Erion Veliajt thotë se po vlerësohet një kallëzim kundër ministrit të Drejtësisë dhe thekson se nuk ka frikë nga kryeministri.
