Çfarë testoi FSK gjatë ushtrimit "Ujku i Pamposhtur" në Gjakovë?
Forca e Sigurisë së Kosovës testoi koordinimin ndërmjet njësive tokësore në zonat e Aeroportit të Gjakovës.
GJAKOVË — Forca e Sigurisë së Kosovës ka zhvilluar ushtrimin fushor validues “Ujku i Pamposhtur 01” në zonat e Aeroportit të Gjakovës dhe Babaj të Bokës.
Në ushtrim morën pjesë njësi të Komandës së Forcave Tokësore, togu i IVR-së, Kompania Mbështetëse e RML-së, togje të Komandës së Logjistikës dhe Policisë Ushtarake, njoftoi FSK në Facebook.
Qëllimi i ushtrimit, sipas njoftimit, ishte “validimi i aftësive operacionale, rritja e gatishmërisë luftarake, koordinimi ndërmjet njësive dhe zhvillimi i kapaciteteve për përmbushjen e detyrave në përputhje me standardet më të larta profesionale”.
Burim: Telegrafi, https://telegrafi.com/fsk-demonstron-kapacitetet-pamje-nga-ushtrimi-fushor-ujku-i-pamposhtur/
— Redaksia ZHURMA