FSHF prezanton spanjollin Bernardino Gonzalez Vazquez
Federata Shqiptare e Futbollit ka zyrtarizuar drejtorin e ri të Departamentit të Arbitrimit.
TIRANË — Federata Shqiptare e Futbollit (FSHF) ka prezantuar zyrtarisht Bernardino González Vázquez si drejtorin e ri të Departamentit të Arbitrimit. Ceremonia u zhvillua me pjesëmarrjen e zv.presidentit të FSHF-së, Geri Çipi, dhe kryetarit të Bashkimit të Arbitrave Shqiptarë të Futbollit, Tahir Kastrati.
Emërimi i González Vázquez vlerësohet si një hap i ri për forcimin dhe zhvillimin e mëtejshëm të arbitrimit shqiptar. Gjatë prezantimit, zv.presidenti Geri Çipi theksoi rëndësinë e eksperiencës së gjatë të spanjollit në nivelet më të larta të arbitrimit spanjoll dhe evropian, duke përfshirë edhe përvojën e tij si arbitër i La Liga-s dhe arbitër ndërkombëtar i FIFA-s.