Fisnik Asllani afron RB Leipzig — klauzola 30 milionë eurosh
Bild raporton se sulmuesi 23-vjeçar nuk bashkohet kampit të Hoffenheimit dhe klubet janë pothuajse dakorduar
LEIPZIG — Sulmuesi kosovar Fisnik Asllani, 23 vjeç, është shumë pranë transferimit te RB Leipzig sipas gazetës gjermane Bild, e cila thotë se lojtari nuk do të bashkohet kampit stërvitor të Hoffenheimit në Seefeld të Austrisë, duke shenjuar se marrëveshja është në fazën përfundimtare.
Mes dy klubeve gjithçka është pothuajse e dakorduar, kanë mbetur vetëm disa detaje kontratuelle me përfaqësuesit e lojtarit për t'u finalizuara. Në kontratën e Asllanit me Hoffenheimin ekziston një klauzolë lirimi prej 30 milionë eurosh, e cila ende nuk është aktivizuar zyrtarisht nga Leipzigu.
Arsyeja e vonesës, sipas Bild, lidhet me situatën në repartin ofensiv të klubit: Leipzig aktualisht ka në dispozicion Romulon, Conrad Harder dhe talentin Samba Konaté, ndaj drejtuesit dëshirojnë fillimisht të sqarojnë të ardhmen e njëri prej tyre para se të mbyllin afrimin.
Për Hoffenheimin, largimi do të ishte një humbje e rëndësishme, por klubi beson se e ka përgatitur skuadrën me afrime si Nathan De Cat dhe Patrick Wimmer, duke e bërë planifikimin pothuajse të përfunduar para mbylljes së afatit kalimtar. Burim: Zëri
— Redaksia ZHURMA