Fillon beteja për kreun e Prokurorisë për Krim të Organizuar
Konkursi duhet të shpallet 90 ditë para përfundimit të mandatit; mandati i kreut aktual, Islam Abazit, përfundon më 8 nëntor
SHKUP — Prokurorët nga e gjithë Maqedonia e Veriut pas rreth një muaji pritet ta zgjedhin drejtuesin e ri të Prokurorisë Themelore Publike për Ndjekjen e Krimit të Organizuar dhe Korrupsionit. Kjo për shkak se mandati i kreut aktual, Islam Abazit, përfundon më 8 nëntor të këtij viti.
Konkursi për kreun e ri duhet të shpallet 90 ditë apo përkatësisht tre muaj para përfundimit të mandatit, Këshilli i Prokurorëve Publikë tashmë e ka nisur këtë proces. Procedura për zgjedhjen e drejtuesit të PTHP-së për Krim të Organizuar dhe Korrupsion parashihet në Ligjin për Prokurorinë Publike, sipas të cilit kreu zgjidhet me vota nga të gjithë prokurorët publikë në vend.
Midis emrave të përfolur si kandidatë për këtë pozitë janë Iskra Haxhi-Vasileva, Spasenka Andonova, Vlladimir Milloshevski, Aleksandar Markovskit dhe Jovan Cvetanovskit. Ndërkaq edhe kreu aktual i Prokurorisë, Islam Abazi, e ka lënë të hapur mundësinë që të kandidojë për një mandat të ri.
Burim: Portalb, https://portalb.mk/fillon-beteja-per-kreun-e-prokurorise-per-krim-te-organizuar-kush-do-ta-pasoje-islam-abazin/
— Redaksia ZHURMA