Çfarë solli Festivali Shqiptar 'Lahuta' në Michigan?

ROCHESTER HILLS — Në kuadër të Festivalit tradicional të Kishës së Shën Palit në Rochester Hills, Michigan, për nder te Pavarësi së SHBA, mbrëmja e 2 korrikut ishte me e veçantë ajo iu kushtua kulturës dhe traditës shqiptare me organizimin e Natës së Folklorit 'Lahuta'. Ky aktivitet solli në skenë pasurinë e trashëgimisë sonë kombëtare ku spikasnin kostumet shumëngjyrëshe te te rriturve dhe fëmijëve me një pjesëmarrje mjaft të madhe me mijëra vetë me gjithë temperaturat e larta.

Programi nisi me Paradën Shqiptare, ku flamuri kuqezi dhe kostumet tradicionale shqiptare krijuan një atmosferë festive dhe plot krenari kombëtare. Ceremonia zyrtare u shoqërua me interpretimin e himneve kombëtare të Shqipërisë dhe Shteteve të Bashkuara, duke simbolizuar lidhjen e fortë të komunitetit shqiptaro-amerikan me atdheun dhe vendin që e ka mirëpritur.

Mbrëmja artistike solli në skenë një program të pasur me këngë, valle dhe interpretime folklorike nga ansamble dhe grupe të njohura shqiptare. Festivali u pasurua gjithashtu me prezantimin e lahutarëve lahutës, simbolit të identitetit dhe kujtesës historike shqiptare.

Festivali Shqiptar 'Lahuta' në Kishën Katolike Shqiptare Shën Pali është rezultat i një pune të gjatë të dhjetëra vullnetarëve. Ne ditët në vijim do të ketë koncerte me këngëtarë dhe DJ te komunitetit.

Burim: Dielli, https://gazetadielli.com/nata-e-folklorit-lahuta-bashkon-shqiptaret-ne-michigan-me-rastin-e-250-vjetorit-te-pavaresise-se-amerikes/

— Redaksia ZHURMA