Korça mbledh mbi 200 muzikantë nga pesë vende në Air Beat – Lulu Fest
Mbi 200 artistë nga Shqipëria dhe rajoni morën pjesë në festivalin e organizuar në Korçë
Festivali Ndërkombëtar i Bandave Frymore Air Beat Festival – Lulu Fest u zhvillua për dy netë me radhë në Korçë, duke bashkuar mbi 200 muzikantë nga Shqipëria, Italia, Mali i Zi, Kosova dhe Maqedonia e Veriut.
Kryeministri Edi Rama theksoi se “paradat dhe koncertet në qytet u shndërruan në një festë të muzikës, kulturës dhe traditave, duke e kthyer Korçën në një pikëtakim ndërkombëtar të artistëve dhe publikut”.
Artistët interpretuan repertore të larmishme dhe prezantuan traditat muzikore të vendeve që përfaqësonin. Festivali i shtohet kalendarit të pasur të aktiviteteve kulturore të Korçës, duke kontribuar në promovimin e qytetit si një destinacion tërheqës turistik dhe kulturor.
Burim: ATSH, https://ata.gov.al/2026/07/20/festivali-air-beat-lulu-fest-200-artiste-pjesemarres-nga-shqiperia-dhe-rajoni/
— Redaksia ZHURMA
