Mbi 1.200 fermerë aplikojnë për kthimin e 10% të TVSH-së — 3,5 mln euro të kërkuara

Tiranë — Arrin mbi 1 milion numri i aplikimeve nga fermerët për përfitimin e kompensimit 10% të TVSH përmes autofaturave të lëshuara ndaj tyre nga përpunuesit apo grumbulluesit e licencuar. Sipas të dhënave të administratës tatimore deri më 20 Korrik 2026 janë dorëzuar 1,265 aplikime, me një vlerë totale të kompensimit të kërkuar prej 3,5 mln euro.

Aplikimet për kompensimin e TVSH-së nisën më 1 Korrik 2026. Aplikimet kryhen përmes sistemit e-Filing, për të gjithë fermerët e pajisur me NIPT. Pas hyrjes në e-Filing fermerët duhet të plotësojnë te rubrika “Detajet e bankës” të dhënat e llogarisë bankare me numrin IBAN.

Qëllimi i kësaj skeme është të rimbursojë TVSH-në 10% që fermeri ka paguar për inputet bujqësore, si plehrat kimike, farat dhe fidanët, duke ulur kostot e prodhimit dhe duke nxitur formalizimin e transaksioneve në sektor. Burim: Report Tv, https://report.al/kompensimi-10-i-tvsh-aplikojne-mbi-1-mije-fermere-per-35-mln-euro/
— Redaksia ZHURMA