Kur dhe ku luhet finalja e Kupës së Kosovës mes Ferizajt e Dukagjinit?
Finalja zhvillohet sonte në stadiumin 'Fadil Vokrri' në Prishtinë, me fillim nga ora 20:00.
PRISHTINË — Sot zhvillohet finalja e madhe e Kupës së Kosovës në futboll, ku përballë njëra-tjetrës do të jenë Ferizaj dhe Dukagjini. Ndeshja do të luhet në stadiumin "Fadil Vokrri" me fillim nga ora 20:00.
Të dy skuadrat synojnë ta shkruajnë historinë, pasi kërkojnë trofeun e parë të Kupës së Kosovës. Për Ferizajn kjo finale vjen në një sezon të vështirë në kampionat, ndërsa Dukagjini synon ta kurorëzojë edicionin me suksesin më të madh në histori të klubit.
Interesimi për këtë finale ka qenë i madh gjatë ditëve të fundit, ndërsa Federata e Futbollit të Kosovës ka nxjerrë në shitje biletat për sfidën që pritet të sjellë atmosferë spektakolare në kryeqytet.
Burim: RTV21
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.