Ferguson: Me udhëheqjen e re serbe do të flasim për normalizimin
Ambasadori britanik në Beograd, Edward Ferguson, ka mirëpritur deklaratat e përfaqësuesve të Listës Studentore pas zgjedhjeve.
Redaksia ZHURMA · · Përditësuar · 1 min lexim
Ambasadori i Mbretërisë së Bashkuar në Beograd, Edward Ferguson, tha se mirëpret deklaratat e para të përfaqësuesve të Listës Studentore që fituan zgjedhjet parlamentare në Serbi. Gjatë një interviste për gazetën serbe Politika, ai theksoi se i ka bërë përshtypje dëshira e përfaqësuesve të rinj për të punuar në përmirësimin e marrëdhënieve me fqinjët.
Ferguson u shpreh se është e drejtë që prioritet i udhëheqjes së re të jetë politika e brendshme, por shtoi se në një moment do të duhet të bisedohet për tema komplekse, duke përfshirë normalizimin e marrëdhënieve me Kosovën, si dhe qasjen ndaj Bashkimit Europian dhe Rusisë. Sipas tij, kjo nuk ka pse të ndodhë menjëherë, por kërkohen mekanizma efikasë për bisedime të bazuara në respektin e ndërsjellë.
Diplomati britanik bëri të ditur gjithashtu synimin për të nisur një dialog strategjik ndërmjet Mbretërisë së Bashkuar dhe Serbisë në fazën e hershme të mandatit të qeverisë së re, plane që ishin shtyrë gjatë fushatës parazgjedhore.
