Pse Evropa nuk mund ta kompensojë dobësinë ushtarake shpejt?
Analisti Aurélien Duchêne paralajmëron se dekadat e nëninvestimit në mbrojtje nuk mund të rikuperohen brenda pak vitesh.
Redaksia ZHURMA · · Përditësuar · 1 min lexim
BRYSEL — Evropa nuk mund të kompensojë brenda një periudhe të shkurtër dekadat e nëninvestimit në sektorin ushtarak, duke u përballur kështu me një sfidë të madhe për forcimin e mbrojtjes së saj. Kështu vlerëson analisti francez i mbrojtjes, Aurélien Duchêne, në një intervistë për radion zvicerane RTS.
Sipas Duchêne, pushtimi rus i Ukrainës ka ndryshuar rrënjësisht qasjen e vendeve evropiane ndaj sigurisë. Kjo situatë i detyron shtetet të rrisin investimet dhe të përgatiten për një të ardhme ku mbështetja nga Shtetet e Bashkuara do të jetë më e vogël se më parë.
Analisti vequron se vende si Gjermania, Italia dhe Spanja kanë mbetur pas për shkak të investimeve të pamjaftueshme gjatë viteve të fundit. Megjithatë, objektivi është që kapacitetet ushtarake të forcohen ndjeshëm deri në vitin 2030, ndonëse Evropa mbetet ende larg kapaciteteve të nevojshme për t'iu përgjigjur sfidave moderne.
Duchêne thekson rolin vendimtar të dronëve në konfliktet moderne dhe kritikon mungesën e koordinimit mes vendeve të Bashkimit Evropian. Ai argumenton se një strategji e përbashkët dhe bashkëpunimi në projektet e mbrojtjes do të ulnin kostot dhe do të rritnin efikasitetin përballë kërcënimeve të mundshme.
Burim: Sinjali
— Redaksia ZHURMA
