Evi Reçi dhe Bora Faira fitojnë çmim ndërkombëtar në Cannes

Këngëtarja Evi Reçi dhe artistja virtuale Bora Faira kanë shënuar një sukses ndërkombëtar me projektin e tyre muzikor të titulluar “Nata Sonte”, duke fituar çmimin “Best Human–AI Collaboration” në World AI Music Festival në Cannes. Ky vlerësim shënon njëkohësisht çmimin e parë që Shqipëria fiton në këtë festival, duke përfaqësuar një moment të rëndësishëm për krijimtarinë shqiptare në arenën ndërkombëtare.

Projekti eksperimental kombëtar vlerësohet për qasjen inovative dhe ndërthurjen e interpretimit vokal të Evi Reçit me personazhin virtual të krijuar përmes inteligjencës artificiale, Bora Faira. Kënga dhe videoklipi eksplorojnë mundësitë e reja të shprehjes artistike që teknologjia ofron për industrinë muzikore. Sipas të dhënave zyrtare, nisma është realizuar nga TIVQ, Premtim Xhaferri dhe Kledi Hysa, duke sjellë një formë të re bashkëpunimi mes krijimtarisë njerëzore dhe inteligjencës artificiale që po fiton vëmendje në skenën globale.