Sefer Isufi emërohet këshilltar ushtarak i Presidentes

Gjeneral brigade Sefer Isufi është emëruar Këshilltar Ushtarak i Presidentes së Republikës së Kosovës, Justina Shiroka-Pula. Lajmin e ka bërë të ditur vetë ai përmes një postimi në rrjetet sociale, duke njoftuar se vendimi është marrë nga e para e vendit, e cila shërben edhe si Komandante Supreme e Forcës së Sigurisë së Kosovës (FSK).

Isufi është shprehur se ndihet i nderuar nga kjo detyrë e re. «Jam thellësisht i nderuar për besimin e dhënë për të vazhduar me përkushtim të plotë ndaj detyrës, Kushtetutës, si dhe interesave strategjike të sigurisë dhe mbrojtjes së vendit», ka shkruar ai, duke u zotuar për angazhim të vazhdueshëm në këtë funksion.