Pse Kurti refuzon gazin amerikan, ndërkohë ETMT-ja aplikon për licensë?
Tregtari i rrymës ETMT aplikon për vazhdim të licencës, ndërkohë qarkulloi 24 milionë euro dhe është nën hetim.
PRISHTINË — ETMT Energy ka aplikuar në muajt e parë të 2026 për vazhdim të licencës në Zyrën e Rregullatorit për Energji. Aplikimi vjen ndërkohë që Prokuroria Speciale e hetoi kompaninë. Në dy muaj, ETMT-ja qarkulloi 24 milionë euro përmes tregtimit të energjisë elektrike në Kosovë.
Marin Gjonaj dhe Artur Micko, pronarë të ETMT-s, u paraqitën në panair për rrymën në Budapest më qershor. Aty, kompania GEN ishte "sponsor i artë". Martin Berishaj, ambasador i Kosovës në Kroaci dhe mik i ngushtë i kryeministrit Albin Kurti, fitoi miliona euro përmes GEN-it — përfshi operacionet e degës në Beograd.
Qeveria e Vetëvendosjes ka refuzuar alternativa të reja për prodhim të rrymës, si gazi amerikan. Ndërkohë, aplikimi i ETMT-s për licensë të re është në proces, me aprovimin e shtetit. Asnjë ngadalësim nuk ka penguar kompaninë nën hetim të kërkojë vazhdimin e operacioneve.
KOSTT-i, Operatori i Sistemit të energjisë elektrike të Kosovës (me 100% aksione shtetërore), i ka shitur ETMT-s energji të ripërtërishme pa siguruar garancie financiare. Kur Prokuroria Speciale u pyet nëse kompani nën hetim mund të marrin licensë, u përgjigj: "Nuk kemi koment".
Skema mbetet e njëjtë: fitimet private mbrohen me vulë publike, ndërkohë qytetarët e paguajnë faturën e fryrë. Ortakllëku i Gjonajt me deputetë të Vetëvendosjes, takimet me zëvendësministra në EAB — këto lidhje mbajnë sistemin në këmbë.
Burim: Vox Kosova
— Redaksia ZHURMA
