Sara Gjordeni ndan sfidat e shtatzënisë së dytë me ndjekësit

Ish-banorja e emisionit «Big Brother VIP Albania», Sara Gjordeni, ka vendosur të ndajë me publikun në rrjetet sociale sfidat dhe ndryshimet fizike që po kalon pëjatë shtatzënisë së dytë. Ajo ka treguar përmes platformës Instagram se përditshmëria e saj është shoqëruar me lodhje të vazhdueshme dhe shqetësime të ndryshme, të cilat i ka përcjellë gjithmonë me nota humori dhe vetëironi.

Në rrëfimet e publikuara në Instastory, Sara ka veçuar disa nga situatat më të vështira të kësaj periudhe. «Zyrtarisht në fazën ku lodhem pas 14 hapash, dhe s’kam më frymë vetëm pse shkoj të mbush një gotë ujë. Burrat janë me fat», ka shkruar ajo. Përveç kësaj, ajo ka treguar se po përballet me djegie të stomakut qysh prej muajit të dytë, ndërsa duke bërë shaka me kohëzgjatjen e mbetur të shtatzënisë është shprehur se «më duket sikur kanë ngelur edhe 129 muaj», duke reflektuar kështu padurimin e saj për ardhjen në jetë të fëmijës.