Erblin Osmani shënon ndaj Arsenalit në Ligën e Kampionëve për të rinj

Mesfushori Erblin Osmani ka realizuar gol në përballjen e Bayern Munich U19 kundër Arsenalit në Ligën e Kampionëve për të rinj. Talenti dardan u tregua i saktë nga pika e bardhë në minutën e tridhjetë të takimit, duke shënuar golin e tij të parë në këtë kompeticion. Përveç tij, dy golat tjerë për skuadrën gjermane u shënuan nga Lambe dhe Della Rovere. Osmani ka siguruar vendin e titullarit në ekipin e të rinjve dhe gjithashtu ftohet shpesh nga trajneri Vincente Kompany, ndërsa në stol për ekipin bavarez ndodhet edhe lojtari tjetër Yll Gashi.

Siç raportoi Zhurma më 16 tetor 2026, futbollistët Erblin Osmani dhe Yll Gashi po vazhdojnë karrierën te grupmoshat e reja të Bayern Munichut, pasi më parë talenti kishte regjistruar edhe ftesa e stërvitje me ekipin e parë.