Ku zgjeron Enrad eksportet dhe ku synon të arrijë?
Fabrika kosovare e kaldave dhe kaminave rrit punësimin nga 180 në mbi 200 punëtorë gjatë 2026-s.
PRISHTINË — Fabrika kosovare Enrad, e specializuar në prodhimin e kaldave, kaminave dhe pajisjeve për ngrohje me pelet dhe dru, ka zgjeruar eksportin edhe në Poloni dhe Çeki. Kompania eksporton aktualisht rreth 80% të prodhimit në Evropë dhe është në fazën përfundimtare të marrëveshjeve për hyrje në tregun italian, pas pjesëmarrjes në panairet në Frankfurt dhe Milano.
Në kuadër të zgjerimit, Enrad ka investuar në makineri moderne për prerje, lakim dhe saldim të llamarinave, duke rritur efikasitetin dhe cilësinë. Numri i punëtorëve pritet të kalojë nga 180 aktualisht në mbi 200 gjatë vitit 2026.
Produktet janë të certifikuara me markën CE nga institute si Zetom Poloni dhe HLK Gjermani, ndërsa sistemi i menaxhimit të cilësisë mban certifikimin ISO 9001 nga TÜV Nord. Kaldat e kompanisë arrijnë eficiencë mbi 92% dhe klasën energjetike A+.
Burim: Telegrafi
— Redaksia ZHURMA