Esoni

Esoni (Ezoni), sundimtar i Jolkut në Tesali, biri i Kreteut dhe i Tirojës, babai i Jasonit. Esoni ishte trashëgimtari i ligjshëm i fronit të Jolkut, por gjysmëvëllai i tij, Peliu, ia rrëmbeu pushtetin me forcë dhe e detyroi të jetonte si qytetar i thjeshtë. Për të shpëtuar të birin nga rreziku, Esoni e fshehu Jasonin dhe e dërgoi të rritej e të edukohej te centauri i urtë Kiron, në malin Pelion. Sipas disa legjendave, kur Jasoni u kthye nga Kolkida me bashkën e artë, Medea e përtëriti plakun Eson me artin e saj magjike: ajo e zuri në një kazan me barëra magjike dhe e ringjalli atë, duke e bërë dyzet vjet më të ri. Sipas një tradite tjetër, Esoni u detyrua të vriste veten gjatë mungesës së Jasonit, duke pirë gjakun e një demi të flijuar. → Jasoni, → Medea.