Elseid Hysaj i bashkohet sërish Vllaznisë për seancat stërvitore
Mbrojtësi i djathtë i është bashkuar Vllaznisë për të ruajtur formën pas angazhimeve me Kombëtaren kuqezi në Ligën e Kombeve.
Redaksia ZHURMA · · 1 min lexim
Elseid Hysaj iu bashkua sërish Vllaznisë për seancat stërvitore, menjëherë pas angazhimit të tij me Kombëtaren kuqezi. Mbrojtësi i djathtë ishte lider i padiskutueshëm në këtë edicion të Ligës së Kombeve, ku shënoi dhe asistoi gol gjatë muajit nëntor.
Futbollisti shkodran mbetet në pritje të ofertës së duhur, ndërsa më parë ka refuzuar propozimet e ardhura nga Rusia dhe Italia. Pavarësisht se ka qenë pa ekip që nga përfundimi i edicionit të kaluar, paraqitjet e tij të dhëna që prej muajit shtator i siguruan vendin në radhët e Kombëtares.
Ky konsiderohet si një ndër momente më të vështira në karrierën e lojtarit, ku mbështetja nga Kombëtarja ka ardhur në ndihmë, ndërsa klubi i Vllaznisë i ka krijuar hapësirë në skuadër për të ruajtur formën fizike pasi ai mund të firmosë në çdo kohë.
Lexo edhe
Më shumë →Kjo histori — 3 zhvillime
- 12 nëntor Elseid Hysaj lë në pritje ofertat nga Emiratet e Bashkuara Arabe
- 18 nëntor Elseid Hysaj i bashkohet sërish Vllaznisë për seancat stërvitore · ky artikull
- 18 nëntor Elseid Hysaj përfshihet në formacionin ideal të Nations League
Koleksione · të dhëna të verifikuara
Vazhdo me më të lexuarat sot
Përditësuar