Leona Krasniqi dhe Griselda Stragu synojnë kurorën 'Miss Belgium 2027'

BRUKSEL — Leona Krasniqi dhe Griselda Stragu, dy të reja me origjinë shqiptare, janë bërë zyrtarisht pjesë e garës për titullin "Miss Belgium 2027", duke synuar të përfaqësojnë komunitetin shqiptar në një nga skenat më të rëndësishme të bukurisë në Evropë, transmeton albinfo.ch.

Krasniqi do ta përfaqësojë qytetin e Antwerpenit me kodin MA29. "Miss Belgium nuk është vetëm një konkurs bukurie, por edhe një platformë për të promovuar vlerat, kulturën dhe angazhimin e të rinjve në shoqëri. Mbështetja e komunitetit shqiptar do të thotë shumë për mua", ka deklaruar ajo.

Stragu, me origjinë nga Shkodra dhe me banim në Belgjikë, synon të përfaqësojë me dinjitet rrënjët e saj shqiptare. Pjesëmarrja e të dyjave vjen ndërsa të rinjtë shqiptarë po shënojnë suksese në fusha të ndryshme të jetës publike e profesionale, duke dëshmuar integrim të suksesshëm.

Burim: Gazeta Metro
— Redaksia ZHURMA