Dy të arrestuar në Zubin Potok për krime lufte — dyshohen për vrasjen e 23 civilëve
Autoritetet dyshojnë se krimet e vitit 1999 kushtuan jetën 23 civilëve shqiptarë.
Redaksia ZHURMA
+ Ruaj
ZUBIN POTOK — Policia e Kosovës arrestoi dy persona në Zubin Potok, të dyshuar për krime lufte kundër popullatës civile gjatë vitit 1999. Sipas raportit 24-orësh të Policisë, të dyshuarit janë dy meshkuj kosovarë, që dyshohet se gjatë luftës kanë kryer krime ndaj popullatës civile shqiptare.
Si pasojë e këtyre krimeve dyshohet se janë vrarë 23 civilë. Me vendim të prokurorit, të dyshuarve iu është caktuar masa e ndalimit dhe janë dërguar në mbajtje, ndërsa hetimet për rastin vazhdojnë.
Burim: Gazeta Dukagjini
— Redaksia ZHURMA