Dy raste të reja të dhunës në familje në Prishtinë e Rahovec

PRISHTINË — Policia e Kosovës ka njoftuar për dy raste të dhunës në familje në Prishtinë dhe Rahovec. Në rastin e parë të regjistruar më 12 qershor, i dyshuari ka ofenduar dhe ka sulmuar fizikisht bashkëshorten e tij pas një mosmarrëveshjeje, duke bërë që ajo të kërkojë tretman mjekësor.

Viktima në Prishtinë fillimisht ka pranuar tretman mjekësor për shkak të lëndimeve dhe më pas ka shkuar me dëshirën e saj në strehimore. I dyshuari për sulmin u arrestua dhe u mor në pyetje, por prokurori vendosi ta lirojë atë menjëherë në procedurë të rregullt.

Në Rahovec, rasti i regjistruar më 24 maj ka përfshirë një ish-çift bashkëshortor. Edhe për këtë rast, prokurori ka vendosur që hetimet të vazhdojnë në procedurë të rregullt. Të dyja këto raste dëshmojnë se si të dyshuarit për dhunë lihen shpesh të lirë menjëherë pas denoncimit.

Burim: Zëri
— Redaksia ZHURMA