Çfarë kërkon Durmishi nga kompanitë që investojnë deri më 15 qershor?
Ministri i Ekonomisë u bëri thirrje kompanive të aplikojnë për mbështetje financiare sipas Ligjit për Investime.
PRISHTINË — Ministri i Ekonomisë dhe Punës, Besar Durmishi, iu bëri thirrje sot kompanive që kanë realizuar investime dhe i plotësojnë kushtet me Ligjin për Mbështetje Financiare të Investimeve të parashtrojnë kërkesë në Ministrinë e Ekonomisë dhe Punës.
Sipas njoftimit të ministrisë, afati për dorëzimin e kërkesave është vazhduar deri më 15 qershor. Durmishi e cilësoi ligjin një nga veglat më të rëndësishme përmes të cilave shteti mbështet kompanitë që investojnë, hapin vende pune dhe rrisin konkurrueshmërinë.
Ai përmendi si shembuj kompanitë ONE Cable, Pikasa, Koral Group dhe MSA Company nga Komuna e Çairit, të cilat sipas tij e kanë shfrytëzuar me sukses masat e ligjit në vitet e mëparshme.
Burim: Telegrafi
— Redaksia ZHURMA