Dulaj: Diaspora proteston në Tiranë më 28-29 nëntor për largimin e Ramës
Organizatorët zbulojnë detajet dhe itinerarin e marshimit të diasporës në kryeqytet.
Redaksia ZHURMA · · Përditësuar · 1 min lexim
TIRANË — Lëvizja e diasporës për protestën e paralajmëruar në Tiranë ka caktuar itinerarin e plotë të marshimit për datat 28 dhe 29 nëntor, ku kërkohet dorëheqja e kryeministrit Edi Rama. Ardit Dulaj, protestues i angazhuar në këtë organizim, ka bërë të ditur se qytetarët nga jashtë vendit dhe zonat e ndryshme të Shqipërisë do të bashkohen në kryeqytet për revoltën e tyre.
Sipas planit të bërë publik nga organizatorët, më 28 nëntor do të formohet një kolonë nisjeje nga veriu i vendit, ndërsa pjesëmarrësit nga jugu do të bashkohen me ta te ish-stacioni i Trenit për të marshuar drejt sheshit. «Me 28 nëntor do të përgatisim një kolonë që do të vijë nga veriu i Shqipërisë, që është porta hyrëse tokësore me Europën dhe ne na bashkon flamuri kuq e zi», u shpreh Dulaj gjatë një paraqitje televizive.
