Dua Lipa mbërrin në Prishtinë — sot nis edicioni i 7-të i 'Sunny Hill'
Këngëtarja vizitoi hapësirën e festivalit për t'u siguruar për përgatitjet dhe ndau imazhe të ushqimeve tradicionale shqiptare.
PRISHTINË — Ylli shqiptar me famë botërore, Dua Lipa, ka mbërritur në Prishtinë për edicionin e shtatë të festivalit “Sunny Hill”. Ky organizim i madh muzikor hap dyert sot dhe do të vazhdojë edhe më 1 e 2 gusht.
Artistja ka treguar se mbrëmjen e kaluar ka vizituar hapësirën ku do të mbahet festivali, për t’u siguruar se gjithçka është gati para hapjes zyrtare. Ajo u shpreh krenare për punën e familjes dhe të ekipit organizativ.
Krahas përgatitjeve për festivalin ku pritet pjesëmarrja e mijëra fansave, Lipa tregoi se është bërë kumbarë dhe ndau fotografi të ushqimeve tradicionale si flia, pitja e ajvari.
Burim: Gazeta Express
— Redaksia ZHURMA