Drita barazon 2-2 me Inter D’Escaldes, kualifikimi vendoset në Andorrë
Drita barazoi 2-2 me Inter D’Escaldes në ndeshjen e parë të play-off-it të Ligës së Konferencës, duke e lënë të hapur garën për ndeshjen e kthimit.
PRISHTINË — Drita barazoi 2-2 me Inter D’Escaldes në ndeshjen e parë të play-off-it të Ligës së Konferencës, të zhvilluar në stadiumin “Fadil Vokrri” në Prishtinë. Vendimi për kualifikimin merret në Andorrë.
Gjilanasit kaluan në epërsi që në minutën e katërt me Hajdin Salihun, i cili shënoi me kokë. Avantazhi zgjati deri në minutën e 13-të, kur Doni Berlanga barazoi për Inter D’Escaldes. Para pushimit, Blerim Krasniqi shënoi për 2-1 në minutën e 42-të, pas asistimit të Igball Jasharit.
Në pjesën e dytë, portieri i Dritës, Faton Maloku, e grushtoi topin në zonë në minutën e 56-të, duke i dhënë mundësinë David Lopez që të barazojë në 2-2. Rezultati mbeti i pandryshuar deri në fund.
Barazimi e lë të hapur garën për ndeshjen e kthimit, ku Drita do të synojë të sigurojë kalimin në fazën e ligës së Ligës së Konferencës.