Çfarë sjell takimi Shqipëri–Kanada për fluturimet direkte Tiranë–Toronto?
Ministri Hoxha dhe Anand u dakordësuan për mundësi të reja bashkëpunimi në fushën e ekonomisë dhe tregtisë
Ministri për Evropën dhe Punët e Jashtme Ferit Hoxha ndodhet në Ankara të Turqisë ku po mbahet Samiti i 36-të i NATO-s. Hoxha zhvilloi një takim bilateral me Ministren e Punëve të Jashtme të Kanadasë, Anita Anand. Hoxha dhe Anand u dakordësuan për forcimin e mëtejshëm të dialogut politik mes dy vendeve, si dhe shtimin e përpjekjeve për më shumë mundësi të reja për zgjerimin e bashkëpunimit.
Ministri i Jashtëm theksoi rritjen e bashkëpunimit veçanërisht në fushat e ekonomisë dhe tregtisë. Në këtë drejtim, u veçua nisja e fluturimeve direkte midis Tiranës dhe Torontos, të cilat do të forcojnë më tej lidhjet dhe shkëmbimet midis qyetarëve.
Takimi u fokusua edhe në iniciativën për krijimin e Bankës së Mbrojtjes, Sigurisë dhe Qëndrueshmërisë, për të mbështetur zhvillimin e aftësive të mbrojtjes, sigurisë dhe qendrueshmërisë. Hoxha dhe Anand shkëmbyen pikëpamje mbi dinamikën aktuale të sigurisë në Evropë, duke riafirmur mbështetjen e palëkundur për Ukrainën.
Burim: Shqiptarja, shqiptarja.com — Redaksia ZHURMA