Sa raste të dhunës në familje regjistroi Maqedonia për 24 orë?

— Ministria e Punëve të Brendshme në Maqedoni njoftoi se gjatë 24 orëve të fundit janë regjistruar tetë raste të dhunës në familje. Nga këto incidente, pesë persona janë privuar nga liria, ndërsa me një tjetër është zhvilluar bisedë zyrtare për zbardhjen e ngjarjeve.

Në rajonin e Shkupit, policia ka ndërhyrë në disa raste kritike. Një grua 44-vjeçare nga Karposhi denoncoi bashkëshortin 45-vjeçar për sulm fizik dhe tentativa për dëbimin e saj nga shtëpia, ndërsa një tjetër 22-vjeçare denoncoi partnerin 32-vjeçar për sulm të ngjashëm në të njëjtën zonë.

Gjithashtu në Shkup, një 68-vjeçar u privua nga liria pasi kërcënoi djalin 40-vjeçar dhe tentoi të sulmonte nipin e tij të mitur me një send të fortë. Ndërkohë, në stacionin e Gazi Babës, polici zhvilloi bisedë zyrtare me një 27-vjeçar që kishte sulmuar fizikisht babanë e tij 62-vjeçar.

Në Strumicë, policia arrestoi një 59-vjeçar për sjellje agresive ndaj bashkëshortes dhe vësës së saj, si dhe një 22-vjeçar në fshatin Bansko, i cili sulmoi fizikisht një ish-partnerja 26-vjeçare. Në Prilep, një 38-vjeçar u detektua pasi kërcënoi babanë dhe i shkaktoi vetes lëndime me një send qelqi.

Në Tetovë, policia privoi nga liria një 28-vjeçar pas denoncimit se kishte sulmuar fizikisht kunatën dhe vëllanë e tij. MPB konfirmoi se për të gjitha rastet po ndërmerren masat për dokumentimin e plotë dhe parashtrimin e kallëzimeve përkatëse në prokurori.

Burim: Telegrafi
— Redaksia ZHURMA