Deputetja australiane humb këmbët, autoritetet dyshojnë për sulm

Deputetja australiane Helen Haines, 65 vjeç, ka humbur të dyja këmbët pasi u përplas nga një makinë jashtë zyrës së saj politike në qytetin Wangaratta, ndërsa autoritetet policore po e trajtojnë ngjarjen si një sulm të qëllimshëm. Bashkëshorti i saj, Phil Haines, e ka cilësuar ngjarjen "të tmerrshme" dhe ka thënë se, pavarësisht plagëve të rënda, deputetja mbetet e fortë dhe e vendosur për t’u rikuperuar. Ai ka deklaruar se zemra dhe mendja e saj janë në gjendje të mirë, ndërsa mjekët ia kanë amputuar këmbën e majtë dhe pritet t’i bëjnë të njëjtën gjë edhe këmbën e djathtë.

43-vjeçari Brendan Nugent, i akuzuar se e përplasi qëllimisht deputeten me automjetin e tij, u paraqit të mërkurën para gjykatës. Ai përballet me tri akuza, përfshirë edhe atë të tentativës për vrasje, ndërsa policia ka thënë se mund të ngrihen akuza të tjera.