Deputeti ukrainas kritikon Zelenskyn për Kosovën dhe e quan gabim diplomatik
Oleksiy Goncharenko ka kundërshtuar deklaratën e presidentit ukrainas në Beograd për mosnjohjen e Kosovës.
PRISHTINË — Deputeti ukrainas Oleksiy Goncharenko, njëherësh iniciues i Projektligjit për njohjen e pavarësisë së Kosovës në Parlamentin e Ukrainës, ka kritikuar deklaratën e presidentit Volodymyr Zelensky në Beograd, lidhur me qëndrimin e Ukrainës ndaj Kosovës.
Zelensky, gjatë vizitës në Serbi, deklaroi se Ukraina nuk do ta ndryshojë qëndrimin e saj për mosnjohjen e pavarësisë së Kosovës. Goncharenko e ka cilësuar këtë deklaratë si “gabim diplomatik” përmes një postimi në platformën “X”, duke shtuar se do të vazhdojë të luftojë për pavarësinë e Kosovës.
Pas deklaratave të tilla, në Prishtinë ka pasur edhe reagime të tjera, ku ndër të tjera Komuna e Prishtinës ka larguar sloganin “Free Ukraine” të vendosur tek “Hotel Grand”.
Burimet: Telegrafi, Gazeta Express, Insajderi, Albeu.
